ഇന്ധനം തീര്‍ന്നതിനാല്‍ പെരുവഴിയിലായി സ്വിഫ്റ്റ് ബസ്. ചെന്നൈ- എറണാകുളം എസി സ്ലീപ്പര്‍ ബസ്സിന് ഇന്ധം തീര്‍ന്നതിനാല്‍ സര്‍വീസ് പൂര്‍ത്തിയാക്കാനായില്ല. പാലക്കാട് പന്നിയങ്കര ടോള്‍ പ്ലാസയ്ക്ക് സമീപത്തുവെച്ച് ഇന്ന് രാവിലെയോടെയാണ് സംഭവം.
ഡീസല്‍ കൊണ്ടുവന്ന് ഒഴിച്ചെങ്കിലും ബസ് എടുക്കാനായില്ല. ഡീസല്‍ ടാങ്ക് മുഴുവന്‍ വറ്റിപ്പോയതാണ് കാരണം. തുടര്‍ന്ന് യാത്രക്കാര്‍ എല്ലാം കിട്ടിയ വണ്ടികളിലാണ് യാത്ര തുടര്‍ന്നത്. ഇക്കാര്യത്തില്‍ സ്വിഫ്റ്റിന്റെ ഭാഗത്ത് നിന്നും വിശദീകരണവും ഉണ്ടായിട്ടില്ല. യാത്രക്കാരുടെ റീഫണ്ടിംഗ് ഉള്‍പ്പെടെയുള്ള കാര്യങ്ങളില്‍ വ്യക്തത വരേണ്ടതുണ്ട്.