മാനനഷ്ട കേസ് കൊടുക്കാന്‍ മുന്‍ സ്പീക്കര്‍ ശ്രീരാമകൃഷ്ണനെ വെല്ലുവിളിച്ച് സ്വപ്ന സുരേഷ്. ശ്രീരാമകൃഷ്ണന്റെ ചിത്രങ്ങളും സ്വപ്ന ഫെയ്‌സ്ബുക്കിലൂടെ പങ്കുവച്ചിട്ടുണ്ട്. ബാക്കി തെളിവുകള്‍ കോടതിയില്‍ ഹാജരാക്കുമെന്നും സ്വപ്ന പറഞ്ഞു.
സ്വപ്നസുരേഷ് ഉന്നയിച്ച ആരോപണങ്ങള്‍ തള്ളി മുന്‍ സ്പീക്കര്‍ ശ്രീരാമകൃഷ്ണന് നടത്തിയ പ്രതികരണങ്ങള്‍ക്ക് പിന്നാലെയാണ് ഫെയ്‌സ്ബുക്ക് പോസ്റ്റ് വന്നിരിക്കുന്നത്. ഒറ്റയ്ക്ക് വീട്ടിലേക്ക് ക്ഷണിച്ചു എന്നായിരുന്നു സ്വപ്ന ഒരു ടിവി ചാനലിന് നല്‍കിയ അഭിമുഖത്തില്‍ പറഞ്ഞത്.
എന്നാല്‍ ഇതിനെ ശ്രീരാമകൃഷ്ണന് തള്ളിയിരുന്നു. സത്യത്തിന്റെ ഒരു കണികപോലും ഇല്ലാത്ത അസത്യങ്ങള്‍ മാത്രമാണ് സ്വപ്നയുടെത് എന്നായിരുന്നു ശ്രീരാമകൃഷ്ണന് പറഞ്ഞത്.
ശ്രീരാമകൃഷ്ണന് പുറമേ കടകംപള്ളി സുരേന്ദ്രന്‍, തോമസ് ഐസക്ക് എന്നിവര്‍ക്കെതിരെയും സ്വപ്ന ലൈംഗിക ആരോപണം ഉന്നയിച്ചിരുന്നു.