തിരുവനന്തപുരം: പി വി അൻവർ എംഎൽഎയുമായുള്ള വിവാദ ഫോൺകോൾ സംഭാഷണം പുറത്തുവന്നതിനു പിന്നാലെ പത്തനംതിട്ട എസ്പി എസ് സുജിത് ദാസിനെ സസ്പെൻഡ് ചെയ്തു. സുജിത് ദാസിനെതിരേ നടപടി ആവശ്യപ്പെട്ട് ആഭ്യന്തരവകുപ്പ് ശുപാർശ നൽകിയതിനു പിന്നാലെയാണ് സസ്പെൻഷൻ.
പത്തനംതിട്ട എസ്പി സുജിത് ദാസിന് സസ്പെൻഷൻ പി വി അൻവറുമായുള്ള സംഭാഷണം പൊലീസിനു നാണക്കേട് ഉണ്ടാക്കിയെന്നും എസ്പി സർവീസ് ചട്ടം ലംഘിച്ചുവെന്നും ചൂണ്ടിക്കാട്ടി ഡിഐജി അജിതാ ബീഗം ഡിജിപിക്ക് റിപോർട്ട് നൽകിയിരുന്നു. ഈ റിപോർട്ട് ഡിജിപി സർക്കാരിനു സമർപ്പിക്കുകയുമായിരുന്നു.
പോലീസ് ക്യാംപിലെ മരംമുറിക്കെതിരേ പി വി അൻവർ എംഎൽഎ നൽകിയ പരാതി പിൻവലിക്കാൻ സുജിത് ദാസ് അപേക്ഷിക്കുന്നതടക്കമുള്ള വിവരങ്ങളാണ് പുറത്തുവന്ന ഫോൺകോളിൽ ഉണ്ടായിരുന്നത്.