സമൂഹിക മാധ്യമങ്ങളിലെ വിദ്വേഷ പ്രചരണങ്ങൾക്കെതിരെ ‘ഇൻഡ്യ’ മുന്നണി. ഫേസ്ബുക്കിനും ഗൂഗിളിനും മുന്നണി കത്ത് അയച്ചു. പ്രതിപക്ഷ നേതാക്കളുടെ പോസ്റ്റുകൾ അടിച്ചമർത്തുന്നു. സാമൂഹിക സ്പർദ്ധ, വർഗീയത എന്നിവ വളർത്തുന്നതിനു മെറ്റ ഉത്തരവാദിയാണ്. ഇന്ത്യയിൽ മെറ്റയുടെ പ്രവർത്തനം നിക്ഷ്പക്ഷമെന്ന് ഉറപ്പ് വരുത്തണമെന്നും ഇൻഡ്യ മുന്നണി ആവശ്യപ്പെട്ടു.
വാഷിംങ്ടൺ പോസ്റ്റ് നടത്തിയ അന്വേഷണത്തിൽ സമുദായിക സംഘർഷം സൃഷ്ടിക്കാന്‍ ഫേസ്ബുക്ക്, യൂട്യൂബ്, വാട്സ്ആപ്പ് എന്നിവ കരണമാകുന്നുവെന്ന് പറയുന്നതായും മുന്നണി ചൂണ്ടിക്കാട്ടി. ബിജെപി നേതാക്കൾ സമൂഹ മാധ്യമങ്ങൾ ഉപയോഗിച്ച് വർഗീയ പ്രചാരണം നടത്തുന്നു. പൊതുതിരഞ്ഞെടുപ്പിന്റെ പശ്ചാത്തലത്തിൽ കാര്യങ്ങൾ ഗൗരവമായി കാണണമെന്നും കത്തിലൂടെ മുന്നണി ആവശ്യപ്പെട്ടു.