മലപ്പുറം: സൂപ്പര്‍ കപ്പ് ഡി ഗ്രൂപ്പിലെ മത്സരങ്ങള്‍ക്ക് ഇന്ന് പയ്യനാട് സ്‌റ്റേഡിയത്തില്‍ തുടക്കം. വൈകുന്നേരം അഞ്ചിന് നടക്കുന്ന ആദ്യമത്സരത്തില്‍ കരുത്തരായ മുംബൈ സിറ്റി എഫ്.സി ഐ ലീഗ് വമ്പന്മാരായ ചര്‍ച്ചില്‍ ബ്രദേഴ്‌സിനെ നേരിടും. എ.എഫ്.സി ചാമ്പ്യന്‍സ് ലീഗിലേക്ക് യോഗ്യത നേടിയ മുംബൈ സിറ്റിക്ക് തന്നെയാണ് മത്സരത്തില്‍ മുന്‍തൂക്കം.
യോഗ്യത മത്സരത്തില്‍ മികച്ച പ്രകടനം കാഴ്ച്ചവെച്ച ഗോവന്‍ കരുത്തര്‍ ചര്‍ച്ചില്‍ ബ്രദേഴ്‌സും നല്ല ഫോമിലാണ്. മികച്ച മത്സരം തന്നെയായിരിക്കും മഞ്ചേരിയില്‍. രണ്ടാം മത്സരത്തില്‍ ഐ.എസ്.എല്‍ വമ്പന്മാരാണ് നേര്‍ക്കുനേര്‍. ആര ഡസനോളം മലാളി താരങ്ങളുമായി നോര്‍ത്ത്ഈസ്റ്റ് യുണൈറ്റഡ് ഇറങ്ങുമ്പോള്‍ ചെന്നൈയിന്‍ എഫ്.സിയാണ് എതിരാളികള്‍. അവസാന സീസണില്‍ പോയിന്റ് ടേബിളില്‍ ഏറ്റവും പിറകിലായിരുന്നു നോര്‍ത്ത്ഈസ്റ്റ്. എട്ടാം സ്ഥാനത്താണ് ചെ്‌ന്നൈ ഫിനിഷ് ചെയ്തത്.