ഒഡിഷ നടിയും ഗായികയുമായ രുചിസ്മിത ഗാരുവിനെ വീട്ടില്‍ തൂങ്ങിമരിച്ച നിലയില്‍ കണ്ടെത്തി. അമ്മാവന്റെ വീട്ടിലെ ഫാനിലാണ് നടിയെ തൂങ്ങി മരിച്ച നിലയില്‍ കണ്ടെത്തിയത്. മൃതതേഹം പോസ്റ്റ്‌മോര്‍ട്ടത്തിന് അയച്ചു.
മരിക്കുന്നതിന് തൊട്ടുമുമ്പ് ഭക്ഷണം ഉണ്ടാക്കുന്നതുമായി ബന്ധപ്പെട്ട് അമ്മയുമായി വഴക്കുനടന്നിരുന്നെന്നും മാധ്യമങ്ങള്‍ റിപ്പോര്‍ട്ട് ചെയ്യുന്നു. ‘ആലുപറാത്ത’ ഉണ്ടാക്കാന്‍ അമ്മയോട് നടി ആവശ്യപ്പെട്ടിരുന്നു. എന്നാല്‍ 10 മണിക്ക് തയ്യാറാക്കാമെന്നായിരുന്നു മറുപടി. തുടര്‍ന്ന് ഇവര്‍ തമ്മില്‍ തര്‍ക്കമായി. പിന്നാലെയാണ് രുചിസ്മിത മരിച്ച നിലയില്‍ കണ്ടെത്തിയത്.
മകള്‍ ഇതിനു മുമ്പും ആത്മഹത്യ ശ്രമം നടത്തിയിരുന്നുവെന്ന് മാതാവ് ആരോപിച്ചു. സംഗീത ആല്‍ബങ്ങളിലൂടെ തുടക്കം കുറിച്ച രുചിസ്മിത നിരവധി സിനിമകളിലും അഭിനയിച്ചു.