തിരുവനന്തപുരം: ഷാരോണ്‍ കൊലക്കേസിലെ പ്രതി ഗ്രീഷ്മ പോലീസ് സ്‌റ്റേഷനില്‍ ആത്മഹത്യക്ക് ശ്രമിച്ചു. സ്‌റ്റേഷനിലെ ശുചിമുറിയല്‍ സൂക്ഷിച്ചിരുന്ന അണുനാശിനി കുടിച്ചാണ് ആത്മഹത്യക്ക് ശ്രമിച്ചത്. ഇന്ന് അറസ്റ്റ് രേഖപ്പെടുത്താനിരിക്കെയായിരുന്നു. ദേഹാസ്വസ്ഥവും ഛര്‍ദിയും ഉണ്ടായതിനെ തുടര്‍ന്ന് തിരുവനന്തപുരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.
ഷാരോണ്‍ കൊലപാതകത്തില്‍ കുറ്റസമ്മതം നടത്തിയ ഗ്രീഷ്മയുടെ മൊഴിയെ തുടര്‍ന്ന് മറ്റാര്‍ക്കെങ്കിലും പങ്കുണ്ടോ എന്ന് പോലീസ് അന്വേഷിക്കുകയാണ്. അന്വേഷണത്തിന്റെ ഭാഗമായി ഗ്രീഷ്മയുടെ ബന്ധുക്കളെയും സുഹൃത്തുക്കളെയും ചോദ്യം ചെയ്യും. ഇന്ന് അറസ്റ്റ് രേഖപ്പെടുത്തിയ ശേഷം മെഡിക്കല്‍ പരിശോധന നടത്തി കോടതിയില്‍ ഹാജരാക്കും. അതുകഴിഞ്ഞായിരിക്കും കസ്റ്റഡിയില്‍ വാങ്ങുക.