മാസ്‌ക് ഉപയോഗിച്ച് മുന്നിലെയും പിന്നിലെയും നമ്പര്‍ പ്ലേറ്റ് മറച്ച ഇരുചക്ര വാഹനം മോട്ടോര്‍ വാഹന വകുപ്പ് പിടികൂടി. കുന്നന്താനം സ്വദേശികളായ വിദ്യാര്‍ത്ഥികളുടേതാണ് വാഹനം. എ.ഐ ക്യമാറയില്‍ നിന്ന് രക്ഷപ്പെടാനാണ് രജിസ്‌ട്രേഷന്‍ നമ്പര്‍ മറച്ചതെന്ന് കുറ്റസമ്മതം. പിഴ ഈടാക്കുമെന്നും ലൈസന്‍സ് സസ്‌പെന്‍ഡ് ചെയ്യാന്‍ ശുപാര്‍ശ ചെയ്യുമെന്നും ഉദ്യോഗസ്ഥര്‍ പറഞ്ഞു.
നമ്പര്‍ വ്യക്തതയില്ലാതെ പ്രദര്‍ശിപ്പിച്ചതും രൂപമാറ്റം വരുത്തിയതുമായ മറ്റൊരു വാഹനത്തിന്മേലും കേസെടുത്തു. രണ്ട് വാഹനങ്ങള്‍ക്കും കൂടി ഇരുപതിനായിരത്തിന് മേല്‍ പിഴ ഈടാക്കുമെന്നും ഉദ്യോഗസ്ഥര്‍ അറിയിച്ചു. മറ്റ് ഗുരുതര കുറ്റകൃത്യങ്ങളില്‍ ഈ വാഹനങ്ങള്‍ ഉള്‍പ്പെട്ടിട്ടുണ്ടോ എന്നത് പരിശോധിക്കാന്‍ പൊലീസ്, എക്‌സൈസ് എന്നീ വകുപ്പുകള്‍ക്കും വിവരങ്ങള്‍ കൈമാറും.