ന്യൂഡല്‍ഹി: ഡല്‍ഹിയില്‍ ശക്തമായ ഭൂചലനം. ഡല്‍ഹിയിലും ചുറ്റുമുള്ള പ്രദേശങ്ങളിലുമാണ് ഭൂചലനം അനുഭവപ്പെട്ടത്. ഉച്ചയ്ക്ക് 2.28 ഓടേയാണ് ഭൂചലനം അനുഭവപ്പെട്ടത്.
ഭൂചലനം ശക്തമായി അനുഭവപ്പെട്ടെങ്കിലും നാശനഷ്ടങ്ങള്‍ ഒന്നും റിപ്പോര്‍ട്ട് ചെയ്തിട്ടില്ല. റിക്ടര്‍ സ്‌കെയിലില്‍ 5.8 തീവ്രത രേഖപ്പെടുത്തിയ ഭൂചലനമാണ് അനുഭവപ്പെട്ടത്. നേപ്പാളാണ് ഭൂചലനത്തിന്റെ പ്രഭവകേന്ദ്രം. ഫാനും മറ്റു ഗൃഹോപകരണങ്ങളും കുലുങ്ങുന്നതിന്റെ നിരവധി ദൃശ്യങ്ങളാണ് പുറത്തുവന്നത്.