മാനന്തവാടിയില്‍ യുഡിഎഫ് പ്രവര്‍ത്തകര്‍ പ്രതിഷേധ പ്രകടനം നടത്തുകയും റോഡ് ഉപരോധിക്കുകയും ചെയ്തു. റോഡ് ഉപരോധിച്ചവരെ പൊലീസ് അറസ്റ്റ് ചെയ്യാനുള്ള നടപടി പ്രവര്‍ത്തകരുമായുള്ള വാക്കേറ്റത്തിനടയാക്കി.
രാഹുല്‍ ഗാന്ധിയുടെ ലോക്‌സഭാംഗത്വം റദ്ദാക്കിയ നടപടിയില്‍ വയനാട്ടില്‍ വ്യാപക പ്രതിഷേധം. ഡി.സി.സിയുടെ നേതൃത്തില്‍ കല്‍പ്പറ്റയില്‍ പ്രതിഷേധ പ്രകടനം നടത്തി. ഡി.സി.സി പ്രസിഡന്റ് എന്‍.ഡി അപ്പച്ചന്‍, ടി.സിദ്ദീഖ് എം.എല്‍.എ, കെ.കെ അബ്രഹാം,കെ.എല്‍ പൗലോസ്, പി.പി ആലി എന്നിവര്‍ സംസാരിച്ചു. മണ്ഡലത്തിന്റെ വിവിധ ഭാഗങ്ങളില്‍ കോണ്‍ഗ്രസ് പ്രവര്‍ത്തകര്‍ പ്രതിഷേധത്തിലാണ്. അസാധാരണ നടപടിയിലൂടെ വയനാട്ടുകാര്‍ക്ക് എം.പി ഇല്ലാത്ത അവസ്ഥയാണ്.