കോഴിക്കാട്: കോഴിക്കോട് അരക്കിണറില്‍ ഏഴാം ക്ലാസ് വിദ്യാര്‍ത്ഥിക്കു നേരെ തെരുവുനായ ആക്രമണം. സൈക്കിളില്‍ പോകുകയായിരുന്ന നൂറാസിനെയാണ് തെരുവുനായ ആക്രമിച്ചത്. സൈക്കിളില്‍ നിന്ന് വീണ നൂറാസിനു നേരെ നായ ചാടിവീണ് ക്രൂരമായി കടിച്ചുപരിക്കേല്‍ക്കുകയായിരുന്നു. തെരുവുനായ ആക്രമിക്കുന്നതിന്റെ ഭീകരദൃശ്യങ്ങള്‍ പുറത്തുവന്നു.
സൈക്കിളിലായിരുന്ന നൂറാസിനു നേരെ നായ ചാടി വീഴുന്നതും നിലത്തു വീണ ശേഷം കൈയില്‍ കടിച്ച് വലിച്ചു കൊണ്ടുപോകാന്‍ ശ്രമിക്കുന്നതും ദൃശ്യങ്ങളില്‍ കാണാം. ഇന്നലെ ഉച്ചയോടെയാണ് സംഭവം. നൂറാസിന്റെ കൈയിലും കാലിലും ആഴത്തില്‍ മുറിവേറ്റു. അരക്കിണറില്‍ തന്നെ ഇന്നലെ രണ്ടു കുട്ടികള്‍ ഉള്‍പ്പെടെ മൂന്നു പേര്‍ക്കും തെരുവുനായയുടെ കടിയേറ്റു. അരക്കിണര്‍ ഗോവിന്ദപുരം സ്‌കൂളിനു സമീപത്തുവെച്ചാണ് ആക്രമണമുണ്ടായത്.
Watch Video: