അതിരമ്പുഴ മുത്തൂറ്റ് ലിമിറ്റഡില്‍ മുക്കുപണ്ടം പണയം വെച്ച് പണം തട്ടിയ കേസില്‍ ഒളിവിലായിരുന്ന യുവതി അറസ്റ്റില്‍. ഇടുക്കി പനംക്കുട്ടി ഭാഗത്ത് ചീങ്കല്ലേല്‍ തങ്കമ്മയാണ്(41) പിടിയിലായത്. തങ്കമ്മയും സുഹൃത്തുക്കളും ചേര്‍ന്ന് 2021ല്‍ വ്യാജ ആധാര്‍ ഉപയോഗിച്ച് മുക്കുപണ്ടം പണയംവെച്ച് പണം തട്ടുകയായിരുന്നു. പിന്നീട് പരിശോധിച്ചപ്പോള്‍ ഇത് മുക്കുപണ്ടമാണെന്ന് തിരിച്ചറിയുകയും പൊലീസില്‍ പരാതി നല്‍കുകയുമായിരുന്നു.
പ്രതികളില്‍ ഒരാളായ അപ്പക്കാള രാകേഷിനെ വീട്ടില്‍ നിന്ന് നേരത്തെ പിടികൂടിയിരുന്നു. മറ്റു പ്രതികള്‍ രണ്ടുവര്‍ഷമായി ഒളിവില്‍ കഴിഞ്ഞുവരികയായുരുന്നു. ജില്ലാ പൊലീസ് നടത്തിയ തിരച്ചിലിനൊടുവില്‍ ഇടുക്കി കമ്പിളികണ്ടത്തുനിന്ന് തങ്കമ്മയെ പിടികൂടുകയായിരുന്നു.