കോഴിക്കോട് നടന്ന സംസ്ഥാന സ്‌കൂള്‍ കലോത്സവത്തിലെ ഭക്ഷണത്തില്‍പോലും വര്‍ഗീയ വിഷം കലര്‍ത്താന്‍ സിപിഎം നേകാക്കള്‍ തന്നെ ശ്രമിച്ചതുകൊണ്ടാണ് പഴയിടം മോഹനന്‍ നമ്പൂതിരി ഇനി കലോത്സവത്തില്‍ ഭക്ഷണമൊരുക്കില്ലെന്ന പ്രഖ്യാപനം നടത്തേണ്ടിവന്നതെന്ന് ബിജെപി സംസ്ഥാന അധ്യക്ഷന്‍ കെ. സുരേന്ദ്രന്‍.
‘ഭരണകക്ഷി നേതാക്കള്‍ പച്ചയായ വിഭാഗീയതയുണ്ടാക്കി കലോത്സവത്തിന്റെ നിറംകെടുത്തി. ഭക്ഷണത്തിന്റെ പേരില്‍ പോലും വര്‍ഗീയത ഇളക്കിവിടുന്ന പ്രചരണമാണ് സിപിഎം നേതാക്കളും സഹയാത്രികരും നടത്തിയത്. പച്ചക്കറി ഏതെങ്കിലും മതത്തിന്റേതല്ലെന്ന് ഇവര്‍ മനസ്സിലാക്കണം. പഴയിടത്തിനെ ഇടതുപക്ഷക്കാര്‍ ജാതീയമായി അവഹേളിച്ചതിനെ വിദ്യാഭ്യാസ മന്ത്രി പോലും ശരിവച്ചു. സംസ്ഥാനത്ത് ഹോട്ടല്‍ ഭക്ഷണം കഴിച്ച് ആളുകള്‍ മരിക്കുകയാണ്. ഇതൊന്നും പരിശോധിക്കാന്‍ സര്‍ക്കാര്‍ തയ്യാറാകുന്നില്ല. ഭക്ഷ്യസുരക്ഷ ഒരിക്കുന്നതിന് ഒരു മുന്‍കരുതലുമെക്കാത്ത സര്‍ക്കാരാണ് കലോത്സവത്തില്‍ നോണ്‍വെജ് വിളമ്പണമെന്ന അനാവശ്യ വിവാദമുണ്ടാക്കുന്നത്.’ എന്ന് അദ്ദേഹം പറഞ്ഞു.