ശ്രീനിവാസന്‍ തിരിച്ചെത്തി; ആദ്യ ചിത്രം കുറുക്കന്‍

ഇടവേളയ്ക്ക് ശേഷം അഭിനയരംഗത്ത് തിരിച്ചെത്തി നടന്‍ ശ്രീനിവാസന്‍. കുറുക്കന്‍ എന്ന ചിത്രത്തിലെ പ്രധാന വേഷം ചെയ്യുന്നതിന് വേണ്ടിയാണ് അഭിനയരംഗത്ത് വീണ്ടും തിരിച്ചെത്തിയത്. കുറച്ചുകാലമായി ആരോഗ്യ പ്രശ്‌നങ്ങള്‍ കാരണം വിശ്രമത്തിലായിരുന്നു.

ഭാര്യയുടെയും നടന്‍ വിനീത് ശ്രീനിവാസന്റെയും കൂടെയായിരുന്നു ചിത്രീകരണത്തിന്റെ സെറ്റിലെത്തിയത്. ചിത്രത്തിലെ മറ്റൊരു പ്രധാന കഥാപാത്രം ഷൈന്‍ ടോം ചാക്കോയാണ്. വര്‍ണചിത്രയുടെ ബാനറില്‍ മഹാസുബൈര്‍ നിര്‍മിക്കുന്ന ചിത്രം സംവിധാനം ചെയ്യുന്നത് ജയലാല്‍ ദിവാകരനാണ്. സിനിമയുടെ ചിത്രീകരണം കൊച്ചിയില്‍ ആരംഭിച്ചു.