വ്യവസായ ഡയറക്ടര്‍ കെ. ഗോപാലകൃഷ്ണന്റെ പേരിലുള്ള വാട്‌സ് ആപ്പ് ഗ്രൂപ്പുകള്‍ വിവാദമായ സംഭവത്തില്‍ വ്യവസായ മന്ത്രി വിശദീകരണം തേടും. ഹിന്ദു ഐഎഎസ് ഓഫീസേഴ്‌സ് വാട്സ്ആപ്പ് ഗ്രൂപ്പിന് പിന്നാലെ മുസ്‌ലിം ഓഫീസേഴ്‌സ് ഗ്രൂപ്പും ആരംഭിച്ചെന്ന സ്‌ക്രീന്‍ ഷോട്ടുകളും പുറത്തുവന്നതിന്റെ അടിസ്ഥാനത്തിലണ് വിശദീകരണം തേടുന്നത്.
അതേസമയം ഫോണ്‍ ഹാക്ക് ചെയ്തതാണെന്നും പൊലീസില്‍ പരാതി നല്‍കിയെന്നും ഗോപാലകൃഷ്ണന്‍ അറിയിച്ചിരുന്നു. 11 ഗ്രൂപ്പുകള്‍ തന്റെ പേരില്‍ തുടങ്ങിയതായും അദ്ദേഹം പറഞ്ഞു.
ഹിന്ദു ഉദ്യോഗസ്ഥരെ ചേര്‍ത്ത് വാട്സ്ആപ്പ് ഗ്രൂപ്പ് രൂപീകരിച്ച വിവരം പുറത്തു വന്നതിനു പിന്നാലെയാണ് മുസ്‌ലിം ഓഫീസേഴ്‌സ് ഗ്രൂപ്പും ആരംഭിച്ചെന്ന സ്‌ക്രീന്‍ ഷോട്ടുകള്‍ പുറത്തു വന്നത്. മല്ലു ഹിന്ദു ഓഫ് എന്ന പേരിലായിരുന്നു ഗ്രൂപ്പ്. ഉദ്യോഗസ്ഥര്‍ക്കിടയില്‍നിന്നു വിമിര്‍ശനം ഉയര്‍ന്നതിനു പിന്നാലെ മണിക്കൂറുകള്‍ക്കകം ഗ്രൂപ്പ് ഡിലീറ്റ് ചെയ്യുകയായിരുന്നു. കഴിഞ്ഞ ദിവസമാണ് ഹിന്ദു ഉദ്യോഗസ്ഥരുടെ പേരില്‍ ഗ്രൂപ്പ് ഉണ്ടാക്കിയത്.