ആന്റി മാവോയിസ്റ്റ് സ്‌പെഷ്യല്‍ സ്‌ക്വാഡ് കമന്റോ തിരുവനന്തപുരം സ്വദേശി റാസി (33) പുഴയില്‍ മുങ്ങി മരിച്ചു. ഇന്നലെ വൈകുന്നേരം ആറു മണിയോടെ സഹപ്രവര്‍ത്തകരോടൊപ്പം നിലമ്പൂര്‍ എം. എസ്. പി. ക്യാമ്പിന് താഴെ ചാലിയാര്‍പ്പുഴയില്‍ നീന്താന്‍ ഇറങ്ങിയതായിരുന്നു.
തിരുവനന്തപുരം പാങ്ങോട് എസ്.എന്‍.വില്ലയില്‍ ഷാജിയുടെ മകനാണ് മരിച്ച ജെ.റാസി. സ്ഥിരമായി പുഴയില്‍ നീന്താറുള്ള പോലീസ് കമാന്റോസ് ഇന്നും പതിവുപോല നീന്തുന്നതിനിടയില്‍ ചാലിയാര്‍ പുഴയുടെ മധ്യഭാഗത്ത് മുങ്ങിത്താഴുകയായിരുന്നു. കൂടെ ഉണ്ടായിരുന്നവര്‍ രക്ഷപ്രവര്‍ത്തനം നടത്തിയെങ്കിലും ജീവന്‍ രക്ഷിക്കാനായില്ല. മൃതദേഹം നിലമ്പൂര്‍ ജില്ലാ ആശുപത്രിയില്‍.