കെ കെ രമക്കെതിരെ നിയമസഭയില്‍ സിപിഎം നേതാവ് എംഎം മണി നടത്തിയ പരാമര്‍ശം തള്ളി സ്പീക്കര്‍. മണി പറഞ്ഞതില്‍ തെറ്റായ ആശയം അന്തര്‍ലീനം ചെയ്തിട്ടുണ്ടെന്ന് സ്പീക്കര്‍ നിരീക്ഷിച്ചു. മണിയുടെ വാക്കുകള്‍ പുരോഗമനപരമായ മൂല്യബോധവുമായി ചേര്‍ന്നു പോകുന്നതല്ല. ഇത്തരത്തിലുള്ള പ്രയോഗങ്ങള്‍ പിന്‍വലിക്കണമെന്നും സ്പീക്കര്‍ ആവശ്യപ്പെട്ടു.
ഇതോടെ കുരുക്കിലായ മണി പരാമര്‍ശം പിന്‍വലിക്കുന്നതായി സഭയെ അറിയിച്ചു. പരാമര്‍ശത്തെക്കുറിച്ച് സ്പീക്കര്‍ നടത്തിയ നിരീക്ഷണത്തെ മാനിക്കുന്നു. കമ്മ്യൂണിസ്റ്റുകാരനായ ഞാന്‍ അങ്ങനെ പറയാന്‍ പാടില്ലായിരുന്നു. ഈ പരാമര്‍ശം ഞാന്‍ പിന്‍വലിക്കുകയാണ് എംഎം മണി നിയമസഭയില്‍ വ്യക്തമാക്കി.