ചെറിയ പെരുന്നാൾ ആഘോഷിക്കുന്ന കേരളത്തിലെ വിശ്വാസികൾക്ക് ആശംസകൾ നേർന്ന് കോൺഗ്രസ് അധ്യക്ഷ സോണിയ ഗാന്ധിയും കോൺഗ്രസ് നേതാവ് രാഹുൽ ഗാന്ധിയും.
മുസ്ലിംലീഗ് സംസ്ഥാന അധ്യക്ഷൻ സയ്യിദ് പാണക്കാട് സാദിഖലി ശിഹാബ് തങ്ങളോടും മുസ്ലിം ലീഗ് ദേശീയ ജനറൽ സെക്രട്ടറി പികെ കുഞ്ഞാലിക്കുട്ടിയോടും ഫോണിലൂടെ നേരിട്ട് വിളിച്ചാണ് ഇരുവരും ആശംസ അറിയിച്ചത്.
പരിശുദ്ധ റമദാനില്‍ നേടിയെടുത്ത ആത്മചൈതന്യത്തിന്റെ അടയാളപ്പെടുത്തലുകള്‍ പെരുന്നാള്‍ ദിനത്തിലും തുടര്‍ന്നുള്ള ജീവിതത്തിലും ജ്വലിച്ചു നില്‍ക്കട്ടെയുന്നും സ്‌നേഹത്തിന്റെയും സഹാനുഭൂതിയുടെയും സന്ദേശം പ്രസരിപ്പിക്കുന്ന ഈദ് ദിനത്തില്‍ സാമൂഹ്യ ഐക്യത്തിനും സൗഹാര്‍ദ്ദത്തിനുമായി വിശ്വാസികള്‍ അണി ചേരണമെന്നും ഇരുവരും ഓര്‍മപ്പെടുത്തി.