പിതാവിന്റെ ആസിഡ് ആക്രമണത്തിനിരയായ മകൻ മരിച്ചു

കോട്ടയം പാലയിൽ പിതാവിന്റെ ആസിഡ് ആക്രമണത്തിനിരയായ മകൻ മരിച്ചു. കാഞ്ഞിരത്തും കുന്നേൽ ഷിനു(31) ആണ് മരിച്ചത്. ഗുരുതരമായി പൊള്ളലേറ്റ ഷിനു കോട്ടയം മെഡിക്കൽ കോളേജ് ആശുപത്രിയിൽ ചികിത്സയിലായിരുന്നു.

 കഴിഞ്ഞ സെപ്തംബർ 23 നാണ് പിതാവിൽ നിന്നും ഷിനു ആസിഡ് ആക്രമണത്തിന് ഇരയായത്. കുടുംബവഴക്കിനെ തുടർന്ന് ആയിരുന്നു പ്രശ്നങ്ങൾക്ക് ഇടയാക്കിയത്. സ്ഥിരമായി മദ്യപിച്ചെത്തുന്ന ശിനു വീട്ടിൽ പ്രശ്നങ്ങളുണ്ടാക്കുന്നത് പതിവായിരുന്നു. ഇതേത്തുടർന്നുണ്ടായ കശപിശയാണ് ആസിഡ് ആക്രമണത്തിൽ കലാശിച്ചത്. ഇന്ന് രാവിലെ അഞ്ചുമണിയോടുകൂടി ഷിനു മരണത്തിന് കീഴടങ്ങുകയായിരുന്നു. അച്ഛൻ റിമാൻഡിലാണ്