കഴിഞ്ഞ തവണ രാഹുല്‍ ഗാന്ധി പരാജയപ്പെട്ട അമേഠിയില്‍ കോണ്‍ഗ്രസ് ലീഡ് ചെയ്യുന്നു. സിറ്റിങ് എം.പിയായ കേന്ദ്രമന്ത്രി സ്മൃതി ഇറാനി പിന്നിലാണ്. കോണ്‍ഗ്രസിന്റെ കിഷോരി ലാല്‍ ശര്‍മയാണ് ഇവിടെ ലീഡ് ചെയ്യുന്നത്. റായ്ബറേലിയിലും വയനാട്ടിലും രാഹുല്‍ ഗാന്ധി ലീഡ് ചെയ്യുകയാണ്.
ഉത്തര്‍പ്രദേശില്‍ ഇന്ത്യ സഖ്യം വന്‍ മുന്നേറ്റമാണ് നടക്കുന്നത്. പ്രധാനമന്ത്രി നരേന്ദ്ര മോദി അടക്കം പിന്നിലാണ്. ആറായിരത്തിലധികം വോട്ടിനാണ് മോദി യു.പി പി.സി.സി അധ്യക്ഷനായ അജയ് റായിയോട് പിന്നിട്ടുനില്‍ക്കുന്നത്. യു.പിയില്‍ 41 സീറ്റുകളിലാണ് ഇന്ത്യ സഖ്യം മുന്നിട്ടുനില്‍ക്കുന്നത്.
കേരളത്തില്‍ 16 സീറ്റുകളില്‍ യു.ഡി.എഫ് ആണ് ലീഡ് ചെയ്യുന്നത്. തിരുവനന്തപുരത്തും തൃശൂരും ബി.ജെ.പി ലീഡ് ചെയ്യുന്നു. മൂന്നിടത്ത് എല്‍.ഡി.എഫ് ആണ് ലീഡ് ചെയ്യുന്നത്. ദേശീയതലത്തില്‍ 255 സീറ്റില്‍ എന്‍.ഡി.എയും 237 സീറ്റില്‍ ഇന്ത്യ സഖ്യവുമാണ് മുന്നിട്ടുനില്‍ക്കുന്നത്.