കോഴിയെ ജീവനോടെ തൊലിയുരിച്ച് കഷ്ണങ്ങളാക്കിയ സംഭവത്തില്‍ കോഴിക്കോട ജീവനക്കാരനെ പൊലീസ് അറസ്റ്റ് ചെയ്തു. കൊല്ലംകോട് കണ്ണനകത്ത് പ്രവര്‍ത്തിക്കുന്ന കടയിലെ അറവുകാരന്‍ അയിരകുഴിവിളാകം പുത്തന്‍വീട്ടില്‍ മനു (36) ആണ് അറസ്റ്റിലായത്.
ക്രൂരതയുടെ ദൃശ്യങ്ങള്‍ കഴിഞ്ഞ ദിവസങ്ങളില്‍ സാമൂഹിക മാധ്യമങ്ങളില്‍ പ്രചരിച്ചിരുന്നു. ഇറച്ചി വാങ്ങാന്‍ എത്തിയ ഒരു യുവാവാണ് രംഗം മൊബൈല്‍ ഫോണില്‍ പകര്‍ത്തി സാമൂഹ്യ മാധ്യമങ്ങളില്‍ പങ്കുവെച്ചത്. ഇതിനെതിരെ സാമൂഹ്യ മാധ്യമങ്ങളില്‍ തന്നെ ഇയാള്‍ക്കെതിരെ വ്യാപക വിമര്‍ശനം വന്നിരുന്നു.