തിരുവനന്തപുരം: റെയില്‍പാളത്തില്‍ അറ്റകുറ്റപ്പണി നടക്കുന്നതിനാല്‍ തിരുവനന്തപുരം കോട്ടയം പാതയിലൂടെയുള്ള ആറ് തീവണ്ടികള്‍ ഇന്ന് ആലപ്പുഴ വഴി തിരിച്ചുവിടും.
എറണാകുളം നോര്‍ത്ത് സ്‌റ്റേഷനില്‍ കോട്ടയം ഭാഗത്തേക്കുള്ള പാളം തിരിയുന്ന ഭാഗത്ത് ആധുനിക സജ്ജീകരണം ഏര്‍പ്പെടുത്തുകയാണ്. തിങ്കളാഴ്ച മുതല്‍ അറ്റകുറ്റപ്പണി ആരംഭിച്ചിരുന്നു. ചൊവ്വാഴ്ച രാത്രി ഈ ഭാഗത്ത് എത്തുന്ന തീവണ്ടികളാണ് ആലപ്പുഴ വഴി തിരിച്ചുവിടുന്നത്.
വഴിതിരിച്ചുവിടുന്ന ട്രെയിനുകള്‍
മംഗളൂരൂ സെന്‍ട്രല്‍- തിരുവനന്തപുരം സെന്‍ട്രല്‍ മംഗളൂരു സെന്‍ട്രല്‍ (16348)
മധുരൈ- തിരുവനന്തപുരം സെന്‍ട്രല്‍ (16344)
നിലമ്പൂര്‍ റോഡ്- കൊച്ചുവേളി രാജ്യറാണി (16350)
ഹസ്രത്ത് നിസാമുദീന്‍- തിരുവനന്തപുരം സെന്‍ട്രല്‍ സൂപ്പര്‍ഫാസ്റ്റ് (22654) (തിങ്കളാഴ്ച യാത്രതിരിച്ചത്)
ഡോ. എംജിആര്‍ ചെന്നൈ സെന്‍ട്രല്‍- തിരുവനന്തപുരം സെന്‍ട്രല്‍ സൂപ്പര്‍ഫാസ്റ്റ് (12695)
മംഗളൂരൂ സെന്‍ട്രല്‍- തിരുവനന്തപുരം സെന്‍ട്രല്‍ (16630)
ഈ ട്രെയിനുകള്‍ക്ക് ചേര്‍ത്തല, ആലപ്പുഴ, ഹരിപ്പാട് എന്നിവിടങ്ങളില്‍ സ്‌റ്റോപ്പുണ്ടാകും.