റഹൂഫ് കൂട്ടിലങ്ങാടി
കൂട്ടിലങ്ങാടി (മലപ്പുറം): എല്‍.എസ്.എസ്,യു.എസ്.എസ് പരീക്ഷയില്‍ ജേതാക്കളായി സഹോദരിമാരായ മാജിദയും മജ്‌നയും.കൂട്ടിലങ്ങാടി പാറടി കുണ്ടാട് സ്വദേശി ഒടമലക്കുണ്ടില്‍ അബ്ദുല്‍ മജീദിന്റെയും മുനീറയുടെയും മക്കളാണ് ഈ സഹോദരിമാര്‍.മാജിദ കൂട്ടിലങ്ങാടി ജി .യു.പി. സ്‌കൂളില്‍ നിന്ന് യു.എസ്.എസ് നേടിയപ്പോള്‍ മജ്‌ന ചെലൂര്‍ പി.ടി.എം.എല്‍.പി സ്‌കൂളില്‍ നിന്നാണ് എല്‍.എസ്.എസ് നേടിയത്.
പഠനത്തില്‍ മിടുക്കികളായ ഇവര്‍ പാഠ്യേതര മേഖലകളിലും കഴിവ് തെളിയിച്ചവരാണ്. 2019ലെ എല്‍.എസ്.എസ് ജേതാവായ മാജിദ അറബിക്കില്‍ മികച്ച പഠന പ്രവര്‍ത്തനങ്ങള്‍ക്ക് ഒട്ടേറെ സമ്മാനം നേടിയിട്ടുണ്ട്.മജ്‌ന സബ് ജില്ലാ കലാമേളയില്‍ സംഘഗാനത്തില്‍ എ ഗ്രേഡ് കരസ്ഥമാക്കിയിരുന്നു.
മദ്രസാ പഠനത്തിലും ഇരുവരും മികച്ച നിലവാരം പുലര്‍ത്തുന്നു.മദ്രസാ പൊതു പരീക്ഷയില്‍ കഴിഞ്ഞ വര്‍ഷം ഏഴാം ക്ലാസില്‍ മാജിദക്കും ഈ വര്‍ഷം അഞ്ചാം ക്ലാസില്‍ മജ്‌നക്കും ഡിസ്റ്റിംഗ്ഷന്‍ ലഭിച്ചിട്ടുണ്ട്.
മക്കള്‍ നല്‍കിയ ഇരട്ടി മധുരത്തിന്റെ സന്തോഷത്തിലാണ് മാതാപിതാക്കളായ മജീദും മുനീറയും.