സില്‍വര്‍ ലൈന്‍ കേരളത്തിന് അനിവാര്യമാണെന്നും വന്ദേഭാരത് സില്‍വര്‍ ലൈനിന് ബദല്‍ അല്ലെന്നും സിപിഎം സംസ്ഥാന സെക്രട്ടറി എം വി ഗോവിന്ദന്‍ കണ്ണൂരില്‍ പറഞ്ഞു.’വന്ദേഭാരത് വന്നോട്ടെ. കെ റെയിലും വന്ദേഭാരതും തമ്മില്‍ യാതൊരു ബന്ധവുമില്ല. ഇന്നല്ലെങ്കില്‍ നാളെ കെ റെയില്‍ കേരളത്തിന് അനിവാര്യമായിരിക്കും. കുടുംബശ്രീ യൂണിറ്റിന്റെ രണ്ട് അമ്മമാര്‍ അപ്പവുമായി പുറപ്പെടുന്നു. എവിടെയാണോ എത്തേണ്ടത് അവിടെ രണ്ട് മണിക്കൂറില്‍ എത്തും. വന്ദേഭാരതില്‍ കയറിയാല്‍ രണ്ട് ദിവസം കഴിഞ്ഞല്ലേ എത്തുക. അപ്പോഴേക്കും അപ്പം കേടാവും’ എന്നും എം വി ഗോവിന്ദന്‍ പരിഹസിച്ചു.