വരാനിരിക്കുന്ന ഐപിഎല്ലില്‍ ഇന്ത്യന്‍ താരം ശ്രേയസ് അയ്യര്‍ കൊല്‍ക്കത്ത നൈറ്റ് റൈഡേഴ്‌സിനെ നയിക്കും. കഴിഞ്ഞ മെഗാ താര ലേലത്തില്‍ വിലകൂടിയ ഒരു താരമായിരുന്നു ശ്രേയസ് അയ്യര്‍. 12.25 കോടി രൂപയ്ക്കായിരുന്നു കൊല്‍ക്കത്ത നൈറ്റ് റൈഡേഴ്‌സ് താരത്തെ വിളിച്ചത്. തന്റെ മുന്‍ ടീമായ ഡല്‍ഹി ക്യാപിറ്റല്‍സിന് വേണ്ടി ക്യാപറ്റനായിരിക്കെ മികച്ച പ്രകടനമായിരുന്നു ശ്രേയസ് പുറത്തെടുത്തിരുന്നത്.
കൊല്‍ക്കത്തയെ പോലൊരു ടീമിനെ നയിക്കാന്‍ ലഭിച്ച അവസരം അഭിമാനത്തോടെ കാണുന്നുവെന്നും നന്ദിയുണ്ടെന്നും ശ്രേയസ് അയ്യര്‍ പ്രതികരിച്ചു. മാര്‍ച്ച് അവസാനമാണ് ഈ വര്‍ഷത്തെ ഐപിഎല്‍ ആരംഭിക്കുന്നത്.