ഓടുന്ന ട്രെയിനിനു മുന്‍പില്‍ ഇന്‍സ്റ്റഗ്രാം റീല്‍സ് ഷൂട്ട് ചെയ്യുന്നതിനിടെ ട്രെയിന്‍ തട്ടി വിദ്യാര്‍ത്ഥിക്ക് ദാരുണാന്ത്യം. ഹൈദരാബാദിലെ സനത് നഗറില്‍ വെള്ളിയാഴ്ചയാണ് സംഭവം. ഒമ്പതാം ക്ലാസ് വിദ്യാര്‍ത്ഥി സര്‍ഫാസ് ആണ് മരിച്ചത്.
അതിവേഗം വരുന്ന ട്രെയിനിനു മുന്നില്‍ നിന്ന് വീഡിയോ ഷൂട്ട് ചെയ്യുന്നതിനിടെ പാളത്തിനടുത്ത് നിന്ന കുട്ടിയെ ട്രെയിന്‍ ഇടിച്ചു തെറിപ്പിക്കുകയായിരുന്നു. അപകടത്തിന് ദൃശ്യങ്ങള്‍ സാമൂഹ്യ മാധ്യമങ്ങള്‍ വ്യാപകമായി പ്രചരിക്കുന്നുണ്ട്.