കൊച്ചി- കൊച്ചിയിലെ സ്വകാര്യ ഹോട്ടലില്‍ വെടിവെയ്പ്പ്. മദ്യപിക്കാനെത്തിയ രണ്ട് പേരാണ് വെടിവെച്ച് ഭീകരാന്തരീക്ഷം സൃഷ്ടിച്ചത്. കുണ്ടന്നൂരിലെ ഹോട്ടല്‍ ഓജിസ് കാന്താരി ബാറില്‍ വൈകിട്ടായിരുന്നു സംഭവം.
മദ്യപിച്ച വ്യക്തികള്‍ പണം കൊടുത്ത ശേഷം കയ്യിലുണ്ടായിരുന്ന തോക്കെടുത്ത് ഭിത്തിയില്‍ വെടിവെയ്ക്കുകയായിരുന്നു. വെടിയുതിര്‍ത്ത ഇരുവരും ഓട്ടോറിക്ഷയില്‍ കയറി രക്ഷപ്പെട്ടു. ഹോട്ടല്‍ അധകൃതരുടെ പരാതിയില്‍ മരട് പോലീസ് കേസ് രജിസ്റ്റര്‍ ചെയ്തിട്ടുണ്ട്.
വെടിവെയ്പ്പ് നടത്തിയവരുടെ ദൃശ്യങ്ങള്‍ പോലീസ് ശേഖരിച്ചു. പ്രാഥമിക പരിശോധനയില്‍ പോലീസിന് വെടിയുണ്ട കണ്ടെത്താനായിട്ടില്ല. ഫോറന്‍സിക് സംഘം നാളെ പരിശോധന നടത്തും.