കൊച്ചി: ശിവരാത്രി പ്രമാണിച്ച് ഫെബ്രുവരി 18ന് ആലുവയിലേയ്ക്ക് പ്രത്യേക തീവണ്ടി ഓടിക്കുമെന്ന് റെയില്‍വേ. പ്രത്യേക സ്‌റ്റോപ്പുകള്‍ അനുവദിക്കുമെന്നും റെയില്‍വേ അധികൃതര്‍ അറിയിച്ചു.
ശിവരാത്രി ചടങ്ങുകള്‍ക്ക് പോകുന്നവരുടെ സൗകര്യാര്‍ത്ഥം, അന്നേദിവസം 16325 നിലമ്പൂര്‍ – കോട്ടയം എക്‌സ്പ്രസ്സ് ഷൊര്‍ണൂര്‍ മുതല്‍ ആലുവ വരെ സാധാരണയുള്ള സ്‌റ്റോപ്പുകള്‍ക്ക് പുറമെ മുള്ളൂര്‍ക്കര, ഒല്ലൂര്‍, നെല്ലായി, കൊരട്ടി അങ്ങാടി എന്നിവിടങ്ങളില്‍ കൂടി നിര്‍ത്തും. 06461 ഷൊര്‍ണ്ണൂര്‍ – തൃശ്ശൂര്‍ പ്രത്യേക എക്‌സ്പ്രസ്സ് ആലുവ വരെ ഓടുമെന്നും പിറ്റേദിവസത്തെ (ഫെബ്രുവരി 19) 16609 തൃശ്ശൂര്‍ – കണ്ണൂര്‍ എക്‌സ്പ്രസ്സ് ആലുവയില്‍നിന്നും പുറപ്പെടുന്നതാണെന്നും അധികൃതര്‍ അറിയിച്ചു.