നാലാം വിവാഹവാര്‍ഷികത്തിന്റെ സന്തോഷം പങ്കുവച്ച് നടിയും അവതാരകയുമായ ശില്‍പ ബാല. ഭര്‍ത്താവ് വിഷ്ണു ഗോപാലിനൊപ്പമുള്ള ഒരു ചിത്രവും രസകരമായ കുറിപ്പുമാണ് ശില്‍പ സമൂഹമാധ്യമത്തിലൂടെ പങ്കുവച്ചത്.
”നാലു വര്‍ഷം മുന്‍പ് കൃത്യം ഈ സമയത്ത് ഞങ്ങള്‍ തൊട്ടടുത്തിരുന്ന് സദ്യ കഴിക്കുകയും അത് പകര്‍ത്തുകയായിരുന്ന ക്യാമറാമാനെയും ഫൊട്ടോഗ്രഫറേയും നോക്കി ചിരിക്കുകയുമായിരുന്നു. നാലു വര്‍ഷം പിന്നിട്ട് ഒരു കുഞ്ഞുമായ ഈ സമയത്ത് ഞങ്ങള്‍ പരസ്പരം വായില്‍ ഭക്ഷണം നിറയ്ക്കുന്നു. അങ്ങനെ ഞങ്ങളില്‍ ഒരാളുടെ സംസാരം നിര്‍ത്തുന്നു.
ഹാപ്പി വെഡ്ഡിങ് ആനിവേഴ്‌സറി മൈ ലോബ്സ്റ്റര്‍
നിബന്ധനകളില്ലാതെ ഞാന്‍ സ്‌നേഹിക്കുന്ന മറ്റാരുമില്ല”- ശില്‍പ കുറിച്ചു.
2016 ഓഗസ്റ്റ് 18ന് ആയിരുന്നു ശില്‍പബാലയുടേയും ഡോ. വിഷ്ണു ഗോപാലിന്റെയും വിവാഹം. രണ്ടു വയസ്സുകാരി യാമിയാണ് മകള്‍.