ദമ്മാം.ബഹുസ്വര സമൂഹത്തില്‍ ഒരു സത്യവിശ്വാസി അനുഷ്ഠിക്കേണ്ട ജീവിത ക്രമങ്ങളെ ഉദാത്തമായി അടയാളപ്പെടുത്തിയ അനുപമ വെക്തിത്വമായിരുന്നു മുഹമ്മദലി ശിഹാബ് തങ്ങള്‍ എന്ന് കെഎംസിസി അനുസ്മരണ യോഗം അഭിപ്രായപ്പെട്ടു.
‘ഓര്‍മകളില്‍ മായാതെ’ എന്ന ശീര്‍ഷകത്തില്‍ കെഎംസിസി ദമ്മാം സെന്‍ട്രല്‍കമ്മിറ്റിയുടെ ആഭിമുഖ്യത്തിലായിരുന്നു പരിപാടി. പസിഡണ്ട് ഹമീദ് വടകര അധ്യക്ഷത വഹിച്ചു.പ്രവിശ്യ ജനറല്‍ സെക്രട്ടറി സിദ്ദീഖ് പാണ്ടികശാല ഉത്ഘാടനം ചെയ്തു.മാധ്യമ പ്രവര്‍ത്തകന്‍ സാജിദ് ആറാട്ടുപുഴ അനുസ്മരണ പ്രഭാഷണം നടത്തി.
റഊഫ് ചാവക്കാട് അനുസ്മരണ ഗാനം ആലപിച്ചു.ഫൈസല്‍ ഇരിക്കൂര്‍ ആശംസകള്‍ അര്‍പ്പിച്ചു. ജൗഹര്‍ കുനിയില്‍ ,നാസര്‍ ചാലിയം,ഷറഫു വയനാട്,ശരീഫ് പാറപ്പുറത്,അറഫാത് ഷംനാട് തുടങ്ങിയവര്‍ സംബന്ധിച്ചു. ജനറല്‍ സെക്രട്ടറി മുജീബ് കൊളത്തൂര്‍ സ്വാഗതവും മഹമൂദ് പൂക്കാട് നന്ദിയും പറഞ്ഞു.അബ്ദുറഹ്മാന്‍ പൊന്മുണ്ടം ഖിറാഅത്ത് നടത്തി.സെന്‍ട്രല്‍ കമ്മിറ്റി ഭാരവാഹികളായ സലാം മുയ്യം,അഫ്സല്‍ വടക്കേക്കാട്,ഷിബിലി ആലിക്കല്‍ എന്നിവര്‍ നേതൃത്വം നല്‍കി.