ഡല്‍ഹി: അലിഗഢ് മുസ്‌ലിം സര്‍വകലാശാല മുന്‍ വിദ്യാര്‍ത്ഥിയും ഫ്രറ്റേണിറ്റി മൂവ്‌മെന്റ് ദേശീയ സെക്രട്ടറിയുമായ ഷര്‍ജീല്‍ ഉസ്മാനി ജയില്‍ മോചിതനായി. പൗരത്വസമരത്തില്‍ പങ്കെടുത്തതിന്റെ പേരിലാണ് യുപി പൊലീസ് ഷര്‍ജീലിനെ വിവിധ കേസുകളിലായി അറസ്റ്റ് ചെയ്തിരുന്നത്. ഷര്‍ജീലിനെതിരായ നാല് കേസുകളിലും ജാമ്യം കിട്ടിയതോടെയാണ് മോചനം.
ഒരു മാസത്തോളമായി ഉത്തര്‍പ്രദേശിലെ അലിഗഢ് ജയിലില്‍ കഴിയുകയായിരുന്നു ഷര്‍ജീല്‍ ഉസ്മാനി. ജൂലൈ എട്ടിനാണ് ഷര്‍ജീല്‍ ഉസ്മാനിയെ അ്‌സംഗഢിലെ വീട്ടില്‍ നിന്നും അറസ്റ്റ് ചെയ്യുന്നത്. ക്രൈം ബ്രാഞ്ചില്‍ നിന്നും എന്ന് പറഞ്ഞ അഞ്ചംഗ സംഘമാണ് വീട്ടില്‍ നിന്നും ഷര്‍ജീല്‍ ഉസ്മാനിയെ അറസ്റ്റ് ചെയ്തിരുന്നത്.
അലിഗഢ് സര്‍വകലാശാലയില്‍ നടന്നതുള്‍പ്പടെ നടന്ന സംഘര്‍ഷങ്ങളുടെ പേരില്‍ അഞ്ച് എഫ് ഐ ആറുകളാണ് ഷര്‍ജീല്‍ ഉസ്മാനിയുടെ പേരില്‍ രജിസ്റ്റര്‍ ചെയ്തിരിക്കുന്നത്.