ദുബൈ:രാജസ്ഥാന്‍ റോയല്‍സിനായി വെടിക്കെട്ട് പ്രകടനം നടത്തിയ സഞ്ജു സാംസണ്‍ ഇന്ത്യക്കായി കളിക്കുന്നില്ലെന്നറിഞ്ഞപ്പോള്‍ ഞെട്ടിയെന്ന് ഓസ്‌ട്രേലിയന്‍ സ്പിന്‍ ഇതിഹാസം ഷെയ്ന്‍ വോണ്‍. സഞ്ജുവിന്റെ ഷോട്ട് സെലക്ഷനെയും, ബാറ്റിങ്ങ് ക്ലാസിനെയും പ്രകീർത്തിച്ച വോൺ അദ്ദേഹം ഇന്ത്യൻ ടീമിൽ കളിക്കാത്തതിൽ അത്ഭുതം പ്രകടിപ്പിച്ചു.
‘എന്തൊരു കളിയാണ് സഞ്ജുവിന്റേത്. സമീപകാലത്ത് കണ്ട മികച്ച കളിക്കാരിൽ ഒരാളാണ് അദ്ദേഹം. ഇക്കാര്യം നേരത്തേയും ഞാൻ പറഞ്ഞിരുന്നു. അദ്ദേഹം ഇന്ത്യക്കായി എല്ലാ ഫോർമാറ്റിലും കളിക്കുന്നില്ലെന്ന് അറിഞ്ഞപ്പോൾ ഞാൻ ഞെട്ടി’ -വോൺ പറഞ്ഞു.
സഞ്ജുവിന്റേത് ക്ലീൻ സ്ട്രൈക്കിങ് ആണ്. വെറും ഷോട്ടുകളേക്കാളുപരി സഞ്ജുവിന്റേത് എല്ലാം അസ്സൽ ക്രിക്കറ്റ് ഷോട്ടുകളാണെന്ന് നേരത്തെ ബാറ്റിങ് ഇതിഹാസം സചിൻ തെണ്ടുൽക്കർ അഭിപ്രായപ്പെട്ടിരുന്നു.