ന്യൂഡല്‍ഹി: ഇരട്ട ഒളിംപിക്‌സ് മെഡല്‍ ചാമ്പ്യനും ഇന്ത്യയുടെ സ്റ്റാര്‍ ഷട്‌ലറുമായ പിവി സിന്ധു ഇന്ത്യ ഓപ്പണ്‍ ബാഡ്മിന്റെ ആദ്യ റൗണ്ടില്‍ തന്നെ പുറത്തായി. ലോക റാങ്കിങില്‍ ഏഴാം സ്ഥാനത്തുള്ള മുന്‍ ചാമ്പ്യന്‍ കൂടിയായ സിന്ധുവിനെ 30ാം റാങ്കിലുള്ള തായ്‌ലന്‍ഡിന്റെ സുപനിദ കെയ്‌തോങാണ് ഞെട്ടിച്ചത്. കഴിഞ്ഞ സീസണിലും സുപനിദയ്ക്ക് മുന്നിലാണ് സിന്ധുവിന്റെ പോരാട്ടം അവസാനിച്ചത്. അന്ന് പക്ഷേ സെമിയിലായിരുന്നു തോല്‍വി.
ആദ്യ സെറ്റ് തീര്‍ത്തും ഏകപക്ഷീയമപ്പോള്‍ രണ്ടാം സെറ്റില്‍ സിന്ധു തിരിച്ചു വരവിന്റെ ലക്ഷണങ്ങള്‍ കാണിച്ചു. ഒരു ഘട്ടത്തില്‍ 19-20 എന്ന നിലയിലേക്ക് താരം മത്സരം എത്തിച്ചു. എന്നാല്‍ അന്തിമ വിജയം സുപനിദ എടുക്കുകയായിരുന്നു.