കാലിക്കറ്റ് സര്‍വകലാശാലയില്‍ എസ്.എഫ്.ഐയുടെ അക്രമം തുടരുന്നു. സര്‍വകലാശാല വിദ്യാര്‍ത്ഥി യൂണിയന്‍ ഓഫീസ് സെക്രട്ടറിയായ സാജിദിനെയാണ് എസ്.എഫ്.ഐ പ്രവര്‍ത്തകര്‍ കൂട്ടമായി മര്‍ദിച്ചു. സാജിദിന് കൈക്കും നെഞ്ചിനും മുഖത്തിനുമായി പരിക്കേറ്റു. ആശുപത്രിയില്‍ പ്രവേശിച്ചിരിപ്പിക്കുകയാണ് എം.എസ്.എഫ് പ്രവര്‍ത്തകനെ.
അതേസമയം കാലിക്കറ്റ് സര്‍വകലാശാലയില്‍ യൂണിയന്‍ യു.ഡി.എസ്.എഫ് പിടിച്ചെടുത്തത് മുതല്‍ എസ്.എഫ്.ഐ അക്രമ രാഷ്ട്രീയം തുടരുകയാണ്. ഇന്നലെയായിരുന്നു യു.ഡി.എസ്.എഫ് യൂണിയന്‍ ഉദ്ഘാടനം. എം.എസ്.എഫ് നേതാവ് പി.കെ മുബശിറിനെ നാളെ നിങ്ങളുടെ പരിപാടി നടക്കില്ലയെന്ന് എസ്.എഫ്.ഐ നേതാക്കള്‍ ഫോണിലൂടെ ഭീഷണി മുഴക്കിയിരുന്നു.
പൊലീസിന്റെ ഏകാധിപത്യ നടപടികള്‍ക്കെതിരെ പ്രതിഷേധിച്ച് മലപ്പുറം ജില്ലാ മുസ്‌ലിം യൂത്ത് ലീഗ് കമ്മിറ്റിയും വള്ളിക്കുന്ന് നിയോജക മണ്ഡലം മുസ്‌ലിം ലീഗ് കമ്മിറ്റിയും പ്രതിഷേധ പ്രകടനം നടത്താന്‍ തീരുമാനിച്ചിട്ടുണ്ട്.