കോട്ടയം: കോട്ടയത്ത് വീടാക്രമണത്തില്‍ എസ്.എഫ്.ഐ ജില്ലാ സെക്രട്ടിറി റിജേഷ്ബാബു അറസ്റ്റിലായി. സംഭവത്തില്‍ നാലാംപ്രതി ജയകുമാറും അറസ്റ്റിലായിട്ടുണ്ട്.
കോട്ടയം കുമ്മനം സ്വദേശിയുടെ വീടും വാഹനങ്ങളും റിജേഷ് ബാബു തകര്‍ക്കുകയായിരുന്നു. വീടിനുമുന്നില്‍ വാഹനം പാര്‍ക്ക് ചെയ്യുന്നതുമായി ബന്ധപ്പെട്ട വാക്കുതര്‍ക്കങ്ങളാണ് ആക്രമണത്തില്‍ കലാശിച്ചത്. താന്‍ എസ്.എഫ്.ഐ നേതാവാണെന്ന് പറഞ്ഞുകൊണ്ടായിരുന്നു ആക്രമണമെന്ന് വീട്ടുടമ പറഞ്ഞു. സംഭവം നടന്നത് ദിവസങ്ങള്‍ കഴിഞ്ഞപ്പോഴാണ് കേസില്‍ അറസ്റ്റ് നടക്കുന്നത്.