ഇരുപതോളം വിദ്യാര്‍ഥികളെ പീഡിപ്പിച്ച കുറ്റത്തിന് അധ്യാപകന്‍ പൊലീസ് പിടിയില്‍. കൊണ്ടോട്ടി സ്വദേശി ഫൈസല്‍ (52)നെയാണ് പൊലീസ് അറസ്റ്റ് ചെയ്തത്. തളിപ്പറമ്പ് പൊലീസാണ് ഇയാളെ പിടിച്ചത്. തളിപ്പറമ്പ് നോര്‍ത്ത് ഉപജില്ലാ പരിധിയില്‍പ്പെടുന്ന സ്‌കൂളിലെ അധ്യാപകനാണ് ഫൈസല്‍. യുപി സ്‌കൂള്‍ കുട്ടികളെയാണ് ലൈംഗിക ചൂഷണത്തിന് ഇരയാക്കിയത്. കൗണ്‍സിലിംഗിനിടെ വിദ്യാര്‍ഥിനികളാണ് പീഡനവിവരം പുറത്തുപറഞ്ഞത്. പഠിപ്പിക്കുന്ന സമയത്താണ് അധ്യാപകന്‍ മോശമായി പെരുമാറിയെതെന്നാണ് കുട്ടികള്‍ പറയുന്നത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. ഇയാള്‍ക്കെതിരെ കൂടുതല്‍പേര്‍ പരാതിയുമായി രംഗത്തുവന്നതായാണ് റിപ്പോര്‍ട്ട്.