ബ്രസീല്‍ ഫുഡ്‌ബോള്‍ താരം ഡാനി ആല്‍വസ് ലൈംഗികാതിക്രമ കേസില്‍ അറസ്റ്റില്‍. സ്‌പെയ്‌നില്‍വെച്ചാണ് ഫുട്‌ബോള്‍ താരത്തെ അറസ്റ്റ് ചെയ്തത്. നിശാ ക്ലബില്‍വെച്ച് നടന്ന പാര്‍ട്ടിക്കിടയില്‍വെച്ച് തന്നോട് മോശമായി പെരുമാറിയെന്ന പരാതിയിലാണ് ബാഴ്‌സലോണ പൊലീസ് താരത്തെ അറസ്റ്റ് ചെയ്ത് കസ്റ്റഡിയിലെടുത്തു. ഇക്കഴിഞ്ഞ രണ്ടാം തീയതിയാണ് യുവതി പരാതി നല്‍കിയത്. ലോകകപ്പിന് ശേഷം അവധി ആഘോഷിക്കാനാണ് ആല്‍വസ് ബാഴ്‌സലോണയില്‍ എത്തിയത്. ഡിസംബര്‍ 30-ാം തിയ്യതി രാത്രി ബാഴ്‌സലോണയിലെ നിശാ ക്ലബില്‍വെച്ച് ആല്‍വസ് മോശമായ രീതിയില്‍ സ്പര്‍ശിച്ചെന്നാണ് യുവതിയുടെ പരാതി. തന്റെ പാന്റ്‌സിനുള്ളില്‍ കൈ കടത്തി അതിക്രമം കാട്ടിയെന്നും പരാതിയില്‍ ആരോപിക്കുന്നു.