പശ്ചിമ ബംഗാളില്‍ ഇടിമിന്നലേറ്റ് ഏഴ് മരണം. മാള്‍ഡ ജില്ലയിലാണ് ശക്തിയേറിയ ഇടിമിന്നല്‍ ഉണ്ടായത്. കൃഷ്ണ ചൗധരി, ഉമയ് കുല്‍സും, ദിബോശ്രീ മണ്ഡല്‍, സോമിത് മണ്ഡല്‍, നജ്‌റുല്‍ എസ്.കെ, റോബിസന്‍ ബിബി, ഈസ സര്‍ക്കാര്‍ എന്നിവരാണ് മരിച്ചത്.
ഇടിമിന്നലില്‍ പന്ത്രണ്ട് ഹൈസ്‌കൂള്‍ വിദ്യാര്‍ത്ഥികള്‍ക്ക് പരിക്കേല്‍ക്കുകയും ചെയ്തിരുന്നു. പരിക്കേറ്റ വിദ്യാര്‍ത്ഥികളെ ബാങ്കിറ്റോള റൂറല്‍ ഹോസ്പിറ്റലിലും മാള്‍ഡ മെഡിക്കല്‍ കോളേജ് ആശുപത്രിയിലും പ്രവേശിപ്പിച്ചിരിക്കുകയാണ്. മരണപ്പെട്ട ആറു പേര്‍ കാലിയാച്ചക് ഏരിയയിലും ഒരാള്‍ ഓള്‍ഡ് മാള്‍ഡയിലും ഉള്ളവരാണ്. ഇവരെ കൂടാതെ ഇടിമിന്നലേറ്റ് ഒമ്പത് കന്നുകാലികളും ചത്തു.