സെര്‍വര്‍ തകരാറിനെത്തുടര്‍ന്ന് അക്ഷയകേന്ദ്രങ്ങളിലെ ക്ഷേമപെന്‍ഷന്‍ മസ്റ്ററിങ്ങും റേഷന്‍കടകളിലെ ഭക്ഷ്യധാന്യ വിതരണവും ഇന്നലെ മുഴുവൻ മുടങ്ങി. രാത്രിയായിട്ടും തകരാർ പരിഹരിക്കാൻ കഴിഞ്ഞില്ല.
സെര്‍വര്‍ തകരാറിലായതോടെ സംസ്ഥാനത്തെ ഒരു റേഷന്‍കടയില്‍ ഏകദേശം എട്ട് പേര്‍ക്കുവീതം മാത്രമാണ് ഭക്ഷ്യധാന്യങ്ങള്‍ വിതരണം ചെയ്യാനായത്. ആധാറുമായി ബന്ധപ്പെട്ട സേവനങ്ങളും തടസ്സപ്പെട്ടതായി അക്ഷയകേന്ദ്ര നടത്തിപ്പുകാർ പറഞ്ഞു.നാഷണല്‍ ഇന്‍ഫര്‍മാറ്റിക് സെന്റര്‍ സെര്‍വറില്‍ നടത്തിയ അറ്റകുറ്റപ്പണിയാണ് തകരാറിന് കാരണമായതെന്നാണു വിവരം. റേഷൻ വിതരണം തടസ്സപ്പെട്ടതിൽ റേഷൻ വ്യാപാരി സംഘടനകൾ അതൃപ്തി അറിയിച്ചു.