സെന്റ് ഓഫിനിടെയുണ്ടാവാന്‍ സാധ്യതയുള്ള വിദ്യാര്‍ഥികളുടെ കുറുമ്പിനെ കുറിച്ച് മുന്നറിയിപ്പുമായി പൊതുവിദ്യാഭ്യാസ ബോര്‍ഡ്. മധ്യവേനല്‍ അവധിക്ക് സ്‌കൂളുകള്‍ അടയ്ക്കുന്ന അവസാന ദിവസങ്ങളില്‍ സ്‌കൂളുകളിലെ ഫര്‍ണിച്ചറുകളും മറ്റ് ഉപകരണങ്ങളും കേടുവരുത്താനോ നശിപ്പിക്കാനോ സാധ്യതയുണ്ടെന്ന് പൊതുവിദ്യാഭ്യാസ ബോര്‍ഡ്. ഇത്തരം നടപടികള്‍ കണ്ടാല്‍ നഷ്ടപരിഹാരം ഈടാക്കണമെന്നും കര്‍ശന നടപടി എടുക്കണമെന്നും ഡയരക്ടരുടെ ഉത്തരവ്. എന്നാല്‍ ഉത്തരവ് പല വിധ മുന്‍വിധികളോടെയുള്ളതാണെന്നാണ് വ്യാപക വിമര്‍ശനം.
നെരത്തെ സെന്റ് ഓഫ് പരിപാടികള്‍ പലപ്പോഴും കൈവിട്ട കളിയാവുന്ന സംഭവങ്ങള്‍ ഉണ്ടായിട്ടുള്ള സംഭവങ്ങളുടെ പശ്ചാത്തലത്തിലാണ് ഉത്തരവ്. ന്യൂജനറേഷന്‍ രീതിയിലെ ആഘോഷങ്ങള്‍ പലപ്പോഴും അധ്യാപകര്‍ക്ക് തലവേദന സൃഷ്ടിക്കാറുണ്ട്. ചില സെന്റ് ഓഫ് ആഘോഷങ്ങള്‍ അധ്യാപകര്‍ക്ക് നേരെ തിരിയുന്ന കാഴ്ചകളും മുമ്പ് ഉണ്ടായിരുന്നു.