അണുസംയോജനം മൂലം വൈദ്യുതോല്‍പാദനം സാധ്യമാക്കി യുഎസ് ഗവേഷകര്‍. ലോകത്തിന്റെ ഊര്‍ജ്ജ ലഭ്യത കുറവ് പരിഹരിക്കുന്നതില്‍ ഇത് അതിനിര്‍ണായകമായേക്കുമെന്ന് കരുതപ്പെടുന്നു.കാലിഫോര്‍ണിയിലെ ലോറന്‍സ് ലിവര്‍ മോര്‍ നാഷണല്‍ ലബോറട്ടറിയിലെ ശാസ്ത്രജ്ഞനാണ് ഇതിനു പിന്നില്‍. ഇതു സംബന്ധിച്ച ഔദ്യോഗിക പ്രഖ്യാപനം ചൊവ്വാഴ്ചയോടെ നടത്തിയേക്കുമെന്ന് ലോകത്തര മാധ്യമങ്ങള്‍ റിപ്പോര്‍ട്ട് ചെയ്യുന്നു.
നിലവില്‍ ആണവ റിയാക്ടറുകളില്‍ ഊര്‍ജ്ജം ഉല്പാദിപ്പിക്കുന്നത് അണു വികടനം എന്ന പ്രക്രിയയിലൂടെയാണ്. അതേസമയം സൂര്യനില്‍ നിന്ന് ഊര്‍ജോല്പാദനം നടക്കുന്ന രീതിയാണ് ന്യൂക്ലിയര്‍ ഫിക്ഷന്‍ അഥവാ അണുസംയോജനം. ഈ ഊര്‍ജത്തെ ഉപയോഗപ്പെടുത്താനുള്ള ഗവേഷണങ്ങളാണ് നടത്തിക്കൊണ്ടിരിക്കുന്നത്.
അതേസമയം കണ്ടുപിടുത്തത്തെ ഊര്‍ജ ആവശ്യങ്ങള്‍ക്ക് ഉപയോഗിക്കാവുന്ന രീതിയില്‍ വികസിപ്പിച്ചെടുക്കാന്‍ വര്‍ഷങ്ങള്‍ എടുത്തേക്കും.