തൃശൂരില്‍ വിവേകോദയം സ്‌കൂളില്‍ എയര്‍ഗണ്ണുമായെത്തി വെടിവയ്പ് നടത്തിയ പൂര്‍വ വിദ്യാര്‍ഥി ജ?ഗന് തോക്ക് വാങ്ങിയത് 1800 രൂപയ്ക്ക്. ട്രിച്ചൂര്‍ ഗണ്‍ ബസാറില്‍നിന്നാണ് തോക്കു വാങ്ങിയത്. സെപ്റ്റംബര്‍ 28നാണ് ജഗന്‍ ഇവിടെ നിന്ന് തോക്ക് വാങ്ങിയത്. പലപ്പോഴായി പിതാവില്‍നിന്നു വാങ്ങിയാണ് പണം സ്വരൂപിച്ചതെന്നും പ്രതി പൊലീസിനോട് പറഞ്ഞു.
നിയമാനുസൃതമായ രേഖകള്‍ ഉപയോഗിച്ചുകൊണ്ടാണ് ജഗന്‍ തോക്കു വാങ്ങിയതെന്ന് കടയുടമ പറയുന്നത്. അപകടസാധ്യതയുള്ള തോക്കല്ലെന്ന് കടയുടമ പറഞ്ഞു. ജ?ഗന് തോക്കു വാങ്ങിയതിന്റെ രേഖകള്‍ പൊലീസിന് കൈമാറിയെന്ന് കടയുടമ പറയുന്നു. ബ്ലാങ്ക് ഫയറിങ് ആയിരിക്കും ഉണ്ടായതെന്നാണ് നി?ഗമനം.
സ്‌കൂളിലെത്തിയ പ്രതി ഓഫീസ് മുറിയിലെത്തി അധ്യാപകരെ ഭീഷണിപ്പെടുത്തുകയായിരുന്നു. സ്‌കൂള്‍ കത്തിക്കുമെന്നും വിദ്യാര്‍ഥി ഭീഷണിപ്പെടുത്തിയതായി അധികൃതര്‍. രണ്ട് അധ്യാപകരെ ലക്ഷ്യം വെച്ചാണ് വിദ്യാര്‍ഥിയെത്തിയതെന്ന് അധികൃതര്‍ വ്യക്തമാക്കി. ആശ്വസിപ്പിക്കാന്‍ ശ്രമിച്ച അധ്യാപകരെ എതിര്‍ത്ത് ക്ലാസ്മുറികളിലേക്ക് കയറിയ പ്രതി വിദ്യാര്‍ഥികളെ തോക്ക് ചൂണ്ടി ഭീഷണിപ്പെടുത്തുകയും മുകളിലേക്ക് മൂന്നുതവണ വെടിയുതിര്‍ക്കുകയുമായിരുന്നു.