തിരുവനന്തപുരത്ത് നിയന്ത്രണം വിട്ട സ്‌കൂള്‍ ബസ് മരത്തിലിടിച്ചു; 12 വിദ്യാര്‍ഥികള്‍ക്ക് പരിക്ക്

തിരുവനന്തപുരം: ആര്യനാട് സ്‌കൂള്‍ ബസ് മരത്തിലിടിച്ച് വിദ്യാര്‍ഥികള്‍ക്കു പരുക്ക്. ബസിലുണ്ടായിരുന്ന 12 വിദ്യാര്‍ഥികള്‍ക്കു പരുക്കേറ്റു. ആര്യനാട് കൈരളി വിദ്യാഭവൻ സ്കൂളിന്റെ ബസാണ് അപകടത്തില്‍പെട്ടത്. വാഹനം തിരിക്കാനുള്ള ശ്രമത്തിനിടെ നിയന്ത്രണം വിട്ട ബസ് മരത്തില്‍ ഇടിച്ചു നില്‍ക്കുകയായിരുന്നു. വൈകിട്ട് നാലരയ്ക്കാണ് അപകടമുണ്ടായത്. കുട്ടികളുടെ പരുക്ക് ഗുരുതരമല്ല. ഇവര്‍ക്ക് ആര്യനാട് താലൂക്ക് ആശുപത്രിയില്‍ ചികിത്സ നല്‍കി.