സംസ്ഥാന സ്‌കൂള്‍ കലോത്സവത്തില്‍ ആതിഥേയരായ കോഴിക്കോട് കലാകിരീടത്തിന് അരികില്‍. കലോത്സവം കൊടിയിറങ്ങാന്‍ മണിക്കൂറുകള്‍ മാത്രം ശേഷിക്കെ 22 വര്‍ഷത്തിനുശേഷം കലാ കിരീടം സ്വന്തമാക്കാനുള്ള മുന്നേറ്റത്തിലാണ് കോഴിക്കോട്.
933 പോയിന്റോടെ ഒന്നാം സ്ഥാനത്താണ് കോഴിക്കോട് ഇപ്പോള്‍. 913 പോയന്റുമായി കണ്ണൂര്‍ തൊട്ടു പിറകിലുണ്ട്. 911 പോയിന്റുമായി പാലക്കാട് മൂന്നാമതും, 907 പോയിന്റുമായി തൃശ്ശൂര്‍ നാലാമതും 870 പോയിന്റുമായി മലപ്പുറം അഞ്ചാമതുമുണ്ട്.
ഏഷ്യയിലെ തന്നെ ഏറ്റവും വലിയ കലാമേളക്ക് ഇത് ഏട്ടാം തവണയാണ് കോഴിക്കോട് വേദിയാകുന്നത്.