സയ്യിദ് മുഷ്താഖ് അലി ട്രോഫിയില്‍ മധ്യപ്രദേശിനെ തകര്‍ത്ത് കേരളം പ്രീക്വാര്‍ട്ടറില്‍. മധ്യപ്രദേശ് ഉയര്‍ത്തിയ 172 റണ്‍സ് വിജയലക്ഷ്യം 18 ഓവറില്‍ രണ്ടു വിക്കറ്റുകള്‍ മാത്രം നഷ്ടപ്പെടുത്തി കേരളം മറികടന്നു. സഞ്ജു സാംസണും (33 പന്തില്‍ 56 റണ്‍സ്) സച്ചിനും (27 പന്തില്‍ 51 റണ്‍സ്) ആണ് കേരളത്തെ വിജയത്തിലെത്തിച്ചത്. ഇരുവരും പുറത്താകാതെ നിന്നു.
രോഹന്‍ 29ഉം അസ്ഹറുദ്ദീന്‍ 21ഉം റണ്‍സ് നേടി. ജയത്തോടെ കേരളം പ്രീക്വാര്‍ട്ടറിലെത്തി. മധ്യപ്രദേശും കേരളവും 12 പോയിന്റ് എന്ന നിലയില്‍ തുല്യത പാലിച്ചെങ്കിലും ഇരുവരും ഏറ്റുമുട്ടിയതില്‍ കേരളം ജയിച്ചതോടെ യോഗ്യത കേരളത്തിന് ലഭിക്കുകയായിരുന്നു. 16 പോയിന്റ് നേടി രാജസ്താനാണ് ഒന്നാമത്.
49 പന്തില്‍ 77 റണ്‍സെടുത്ത ആര്‍സിബി താരം രജത് പാട്ടിദാറാണ് മധ്യപ്രദേശിന് മികച്ച സ്‌കോര്‍ സമ്മാനിച്ചത്.