അശ്‌റഫ് ആളത്ത്
ദമ്മാം: സഊദി കിഴക്കൻ പ്രവിശ്യ കെ.എം.സി.സി കാസർഗോഡ് ജില്ല സമ്മേളനം- ‘ഉമ്മീദ് 2024’ സപ്തംബർ ഒന്നിന് വെള്ളിയാഴ്ച ദമ്മാമിൽ നടക്കുമെന്ന് സംഘാടക സമിതി വാർത്താ സമ്മേളനത്തിൽ അറിയിച്ചു.വിശിഷ്ട അതിഥിയായി മഞ്ചേശ്വരം എം.എൽ.എ എ.കെ.എം.അഷ്‌റഫ് സമ്മേളനത്തിൽ സംബന്ധിക്കും.
വെള്ളിയാഴ്ച വൈകിട്ട് ദമ്മാം ഫൈസലിയയിലെ ഹയാത് പാലസിലാണ് പരിപാടി.ജില്ല കെ.എം.സി.സി ഒരു വർഷത്തേക്ക് വിഭാവനം ചെയ്യുന്ന വിവിധ പരിപാടികളുടെ ആവിഷ്കാരമാണ് ‘ഉമ്മീദ് 2024′. ക്യാമ്പയിൻറെ സഊദിതല ഉത്ഘാടനവും സമ്മേളനത്തിൽ നടക്കും.
കാസറഗോഡ് ജില്ലയിലെ ചെങ്കള പഞ്ചായത്തിൽ നിർമ്മിക്കുന്ന ബൈത്തുറഹ്‌മ, നാട്ടിലെ പഴയ കാല മുസ്ലിം ലീഗ് പ്രവർത്തകരെ ഉംറ നിർവ്വഹിക്കാൻ എത്തിക്കുന്ന കെ.എം.സി.സി’ഇഹ്തിഫാൽ’ എന്നിവയുമായും ഉമ്മീദ് 2024 കണ്ണി ചേരും.2024-ലെ പാർലിമെന്റ് തെരഞ്ഞെടുപ്പിനെ പ്രതീക്ഷാ പൂർവ്വം കാണുന്ന മുസ്ലിം ലീഗിന് ശക്തി പകരുന്ന തരത്തിലാണ് ഒരു വർഷം നീണ്ട് നിൽക്കുന്ന ക്യാമ്പയിൻ ക്രമീകരിച്ചിട്ടുള്ളത്. സഊദിയിലെയും മറ്റ് ജിസിസി രാജ്യങ്ങളിലെയും കെ.എം.സി.സി നേതാക്കളും പൊതു സമ്മേളനത്തിൽ സംബന്ധിക്കുമെന്നും ഭാരവാഹികൾ വ്യക്തമാക്കി.
ദമ്മാമിൽ നടന്ന വാർത്താസമ്മേളനത്തിൽ കെ.എം.സി.സി ദമ്മാം സെൻട്രൽ കമ്മിറ്റി വൈസ് പ്രസി: ഖാദർ അനങ്കൂർ,കാസറഗോഡ് ജില്ലാപ്രസിഡന്റ് അറഫാത് ഷംനാട്,ജനറൽ സെക്രെട്ടറി ബഷീർ ഉപ്പള ,പ്രോഗ്രാം കമ്മിറ്റി കൺവീനർ ഹബീബ് മൊഗ്രാൽ,ഗഫൂർ എന്നിവർ സംബന്ധിച്ചു .