സന്തോഷ് ട്രോഫി ഫുട്‌ബോള്‍ ടൂര്‍ണമെന്റിനുള്ള കേരള ടീമിനെ ഈ മാസം 30 ന് പ്രഖ്യാപിക്കും. ദക്ഷിണമേഖല യോഗ്യത മത്സരങ്ങള്‍ക്കായി കോഴിക്കോട് ഇഎംഎസ് സ്‌റ്റേഡിയത്തില്‍ ഒരുക്കങ്ങള്‍ അവസാനഘട്ടത്തിലാണ്.
അടുത്തമാസം അഞ്ച് മുതല്‍ പത്ത് വരെയാണ് ദക്ഷിണമേഖല യോഗ്യത റൗണ്ട്. കേരളം, ആന്ധ്രപ്രദേശ്, തമിഴ്‌നാട്, പോണ്ടിച്ചേരി, കര്‍ണാടക, തെലങ്കാന എന്നീ ടീമുകളാണ് ദക്ഷിണ മേഖലയില്‍. ആന്ധ്രയും തമിഴ്‌നാടും ഉള്‍പ്പെടുന്ന എഗ്രൂപ്പിലാണ് കേരളം. കേരളവും ആന്ധ്രയും തമ്മിലാണ് ആദ്യ കളി. 2017ല്‍ കേരളം സന്തോഷ് ട്രോഫി ചാമ്പ്യന്‍മാരായിരുന്നു.