വരാനിരിക്കുന്ന ശ്രീലങ്കക്കെതിരായ ടി20 പരമ്പരക്കുള്ള ഇന്ത്യന്‍ ടീമിനെ പ്രഖ്യാപിച്ചു. മലയാളി താരം സഞ്ജു സാംസണ് ടീമില്‍ ഇടം നേടാന്‍ സാധിച്ചു. ഇതോടൊപ്പം വിരാട് കോലിയും വിക്കറ്റ് കീപ്പര്‍ റിഷഭ് പന്തിനും വിശ്രമം അനുവദിച്ചു. വിക്കറ്റ് കീപ്പറായാണ് സഞ്ജു ടീമിന്റെ ഭാഗമായത്. വിക്കറ്റ് കീപ്പര്‍ ബാറ്റ്‌സ്മാന്‍ ഇഷാന്‍ കിഷനും ടീമില്‍ ഇടം നേടിയിട്ടുണ്ട്.രോഹിത് ശര്‍മ നായകനാകുന്ന ഇന്ത്യന്‍ ടീമില്‍ ജസ്പ്രീത് ബുമ്രയാകും വൈസ് ക്യാപ്റ്റന്‍.
സൂര്യകുമാര്‍ യാദവ്, റുതുരാജ് ഗെയ്ക്‌വാദ്, ശ്രേയസ് അയ്യര്‍, ഇഷാന്‍ കിഷന്‍ തുടങ്ങിയവരാണ് ബാറ്റ്‌സ്മാന്‍മാരായി ഉള്ളത്. ഓള്‍ റൗണ്ടറായി രവീന്ദ്ര ജഡേജ, വെങ്കടേഷ് അയ്യര്‍, ഹര്‍ഷല്‍ പട്ടേല്‍ എന്നിവരും ബൗളര്‍മാരായി മുഹമ്മദ് സിറാജ്, ജസ്പ്രീത് ബുമ്ര, രവി ബിഷ്‌ണോയ്, യുസ്‌വേന്ദ്ര ചാഹല്‍, കുല്‍ദീപ് യാദവ്, ഭുവനേശ്വര്‍കുമാര്‍, ദീപക് ചാഹര്‍, ആവേശ് ഖാന്‍ എന്നിവരാണുള്ളത്. മൂന്ന് ട്വന്റി 20 മത്സരങ്ങളും രണ്ട് ടെസ്റ്റ് മത്സരങ്ങളുമാണ് പരമ്പയില്‍ ഉള്ളത്.