വിമാനതാവളത്തിലേക്ക് എത്തിയ നടന്‍ സല്‍മാന്‍ ഖാനെ തടഞ്ഞ് സുരക്ഷാ ഉദ്യോഗസ്ഥര്‍. ആരാധകരെ അഭിവാദ്യം ചെയ്ത് വലിയ സംഘത്തിനൊപ്പം പ്രവേശിച്ചപ്പോഴാണ് സുരക്ഷാ ഉദ്യോഗസ്ഥര്‍ തടഞ്ഞത്. വിമാനത്താവളത്തിന്റെ ഉള്ളിലേക്ക് കടക്കുന്ന പ്രധാന വാതിലിന് സമീപമാണ് സിഐഎസ്എഫ് ഉദ്യോഗസ്ഥന്‍ സല്‍മാനെ തടഞ്ഞത്.
പിന്നീട് രേഖകള്‍ പരിശോധിച്ച ശേഷമാണ് അദ്ദേഹത്തെ വിമാനത്താവളത്തിന് അകത്തേക്ക് കടത്തിവിട്ടത്. ഒപ്പമുണ്ടായിരുന്നവര്‍ രേഖകള്‍ പരിശോധിക്കുന്ന സ്ഥലത്ത് ഹാജരാക്കി. ഇതിന് പിന്നാലെ സല്‍മാന്‍ വിമാനത്താവളത്തിന് അകത്ത് പ്രവേശിച്ചു. വിഡിയോ വൈറലായതോടെ ഉദ്യോഗസ്ഥനെ പ്രശംസിച്ച് ഒട്ടേറെ പേര്‍ രംഗത്തെത്തി.