ദക്ഷിണാഫ്രിക്കക്കെതിരായ ആദ്യ ഏകദിനത്തിൽ ഇന്ത്യക്ക് ആധികാരിക ജയം. 8 വിക്കറ്റിനാണ് ഇന്ത്യയുടെ ജയം. ആദ്യം ബാറ്റ് ചെയ്ത ദക്ഷിണാഫ്രിക്കയെ 116 റൺസിനൊതുക്കിയ ഇന്ത്യ 16.4 ഓവറിൽ രണ്ട് വിക്കറ്റ് നഷ്ടപ്പെടുത്തി വിജയലക്ഷ്യം മറികടന്നു. ബൗളിംഗിൽ അർഷ്ദീപ് സിംഗ് അഞ്ചും ആവേശ് ഖാൻ നാലും വിക്കറ്റ് വീഴ്ത്തിയപ്പോൾ ബാറ്റിംഗിൽ ശ്രേയാസ് അയ്യരും സായ് സുദർശനും ഫിഫ്റ്റി നേടി.
ശ്രേയസ് അയ്യരും അർധ സെഞ്ചറിയുമായി തിളങ്ങി. 45 പന്തുകളിൽ 52 റൺസെടുത്താണു ശ്രേയസ് മടങ്ങിയത്. ഇന്ത്യൻ നിരയിൽ ഋതുരാജ് ഗെയ്ക്‌വാദിനു തിളങ്ങാനായില്ല. 10 പന്തുകളിൽ അഞ്ച് റൺസെടുത്ത താരം വിയാൻ മുൾഡറുടെ പന്തിൽ എൽബി‍ഡബ്ല്യു ആകുകയായിരുന്നു. ചൊവ്വാഴ്ച പോർട്ട് എലിസബത്തിലാണു പരമ്പരയിലെ രണ്ടാം മത്സരം.